وينك يا دفى قلبي
مؤسس الموقع
 عدد الرسائل : 92
العمر : 123
تاريخ التسجيل : 22/01/2009
 |  موضوع: ماعاش من يخليك خادمة يا يــــمه!!!  السبت يناير 24, 2009 11:53 am | |
| *يـا ليتنـي خدامـة بيـن اياديـك .. من شان اشوفك كل يوم برضايـا*
(ماعاش من يخليك خادمة يا يمه)
هذي قصيده مؤثرة لأم تشكي حالها بعد ان وداها ولدها (الله يهديه) للمصحه (دار العجزه) او كما يقااال ( دار النسيان) والبيت أعلاه يبكي
اترككم مع القصيده.....!!!!
وين انت يا حـــمود امـك تناديـك .. وراك مـا تسمـع شكايـا وندايـا
يا مسندي قلبي على الدوم يطريـك .. ما غبت عن عيني وطيفك سمايـا
هذي ثلاث سنين والعيـن تبكيـك .. ما شفت زولك زايـر يـا ضنايـا
تذكر حياتي يـوم اشيلـك واداريك . . والاعبـك دايـم وتمشـي ورايـا
ترقد على صوتي وحضني يدفيـك .. ما غيرك احدٍ ساكن فـي حشايـا
واليا مرضت اسهر بقربك واداريك .. ما ذوق طعم النوم صبـح ومسايـا
ياما عطيتك من حنانـي وبعطيـك .. تكبـر وتكبـر بالأمـل يـا منايـا
لكن خساره بعتني اليـوم وشفيـك .. واخلصت للزوجه وانا لي شقايـا
انا ادري انها قاسيـه مـا تخليـك .. قالت عجـوزك مـا ابيهـا معايـا
خليتني وسط المصحه وانا ارجيك .. هذا جزا المعروف وهـذا جزايـا
يـا ليتنـي خدامـة بيـن اياديـك .. من شان اشوفك كل يوم برضايـا
مشكور يا ولدي وتشكر مساعيـك .. وادعـي لـك الله دايـم بالهدايـا
حمود حمـــــــــــود امـك توصيـك .. اخاف من تلحق تشـوف الوصايـا
اوصيت دكتور المصحه بيعطيـك .. رسالتـي واحروفهـا مـن بكايـا
وان مت لا تبخل علـي بدعاويـك .. واطلب لي الغفران وهـذا رجايـا
وامطر تراب القبر بدموع عينيـك .. ما عـاد ينفعـك النـدم والنعايـا
(حسبي الله ونعم الوكيــــــــــــــل)
الله يكون فعونها آميــــــــــــــــن [center]
عدل سابقا من قبل DoDe في الأحد أبريل 12, 2009 5:32 am عدل 1 مرات | |
|
zanessa@n91
المدير العام
 عدد الرسائل : 9
العمر : 33
تاريخ التسجيل : 12/04/2009
| | موضوع: رد: ماعاش من يخليك خادمة يا يــــمه!!! الأحد أبريل 12, 2009 5:29 am | |
| مشككور
بس ياليت تغير الون مو واضح الكلام
وبس
SeE yOu
| |
|
وينك يا دفى قلبي
مؤسس الموقع
عدد الرسائل : 92
العمر : 123
تاريخ التسجيل : 22/01/2009
| | موضوع: رد: ماعاش من يخليك خادمة يا يــــمه!!! الأحد أبريل 12, 2009 5:33 am | |
| العفوو
من عنوني راح اغير الون | |
|
